Kategorie-Archive: Aktive

Vorstellung Jugendleiterteam – 2. Jugendleiterin

Veröffentlicht am  von
Weida geht’s mit unserer Vorstellungsrunde mit da 2. Jugendleiterin🤗
Name: Franziska Glück
Alter: 17
Mitglied seit 2011
Amt: 2. Jugendleiter
Warum bist du beim Trachtenverein?
Unsa Franzi hod scho als kloans Kind vui und gern draht und irgendwann hod ihr Papa sie auf de Idee bracht, dass sie zum Trachtenverein geh kannd. Sie war von Anfang an voi begeistert und hod sich a glei guad aufgnomma und dahoam gefühlt. Sie mecht des Gefühl der Gemeinschaft und Geborgenheit, des sie bis heid no verspürt, an de anderen weitergem und aufzoang, wia vui Spaß das Tanzen macha kon.

Vorstellung Jugendleiterteam – 1. Jugendleiter

Veröffentlicht am  von
Griaß eich✌🏼,
Mia ham beschlossen, dass wir unsa Jugendleiterteam vorstoin, dass ihr a bissl an Überblick habt’s, wer für wo’s bei unsam Verein zuständig is. Ofanga derma mim 1. Jugendleiter.
Name: Stefan Huber
Alter: 20
Seit wann dabei:2016
Amt : 1. Jugendleiter
Warum bist du beim Trachtenverein?
Einerseits wega da Liebe. Andererseits hod da Stefan eigentlich sei Trachtenleben in am anderen Trachtenverein ogfangt. Als er dann durch an Zufall zu uns kemma is und sich glei wia dahoam gefühlt hod, is er dementsprechend schnoi bei uns “reigwochsn”. Jetzt gfreid er sich auf sei Amt als 1.Jugendleiter.

 

Schau auf mi, schau auf di – hoid ma zam dann griang mas hi!

Veröffentlicht am  von
“” – Oana der wichtigsten Sätze in da aktuellen Corona-Zeit.😷
Mia mechtn uns herzlich beim Trachtenverein “Enzian” Töging für de Nominierung bedanken 🤗 und nehman de Challenge natürlich gern o, da wir ja koa Brotzeid zoin mechtn.😉
Mia nominiern den Trachtenverein Edelweiß Reichertsheim und den Trachtenverein “Surtal” Lauter .
Ihr habts jetzt 72 Stunden zeid de Challenge zum macha, ansonsten griang mia a Brotzeid spendiert.🍻
🍀 Bleibt’s gsund damit wir uns boid wida seng kinnan.🍀

Aktivenausflug auf die Kolpinghüttn

Veröffentlicht am  von
Vom 7.3. – 8.3.2020 war unser Aktivenausflug auf da Kolpinghütte Samerberg mit Ausflug zur Doagl-Alm. 🗻
Des Abendprogramm, ob Twister spuin, ratschen oda midnand lacha, war einfach a scheene Sach! 👍🏻🍻

Mia ham jungen Vereinszuwachs griagt!

Veröffentlicht am  von
Am 3.2 hod unser ehemalige Jugendleiterin, de liebe Heidi, ihr Valerie Franziska griagt.
Mia wünschn ihr vui Freid und vui scheene Stunden mit ihra kloana Familie.👨‍👩‍👧🍀

3-Vereine-Preisplattln in Aschau

Veröffentlicht am  von

Griaß eich,
am Sonntag vor einer Woche hama mia unser jährliches 3-Vereine-Preisplattln mit unsane befreundeten Vereine aus Reichertsheim und Aschau abghoidn. ☺👍
Mit 100 Teilnehmer aus de 3 Vereine war es wieder, wie jedes Jahr, a gelungene Veranstaltung.
Vor allem gfrein mia uns ah über de tollen Plätze vo unsane Trachtler und da tollen Probenbegeisterung im vorhinein. 🏆
Mia ham erreicht (Pokale):
Dirndl 1a: 1. Platz, 2. Platz
Buam 1: 1. Platz, 2. Platz, 3. Platz
Dirndl 2: 1. Platz
Buam 2: 1. Platz, 2. Platz, 3. Platz
Dirndl 3: 2. Platz
Buam 3: 1. Platz
Dirndl 4: 1. Platz, 2. Platz, 3. Platz
Dirndl 1 Aktiv: 1. Platz, 2. Platz
Buam 1 Aktiv: 1. Platz, 2. Platz, 3. Platz
Buam 3 Aktiv: 2. Platz
Gruppe Heisei: 1. Platz
Gruppe Aktiv: 1. Platz
Mia bedanken uns bei olle Teilnehmer und hoffen, dass nächstes Jahr wieder mitmachen. 😊